Welatiyê ji Şengalê Seyîd Miço ku di dema êrîşên çeteyên DAIŞ’ê li ser Şengalê de, bi malbata xwe ve çûn Çiyayê Şengalê anî ziman ku çiya ji bo wan cihê herî bi ewle ye û timî ew ji fermanan parastine.
Gelê Êzidî ku di dîrokê de rastî gelek ferman û komkujiyan hatine, timî ji bo parastina xwe ji fermanan berê xwe dane çiyan. Di dema fermana Tebaxa 2014’ê de çeteyên DAIŞ’ê êrîşê Şengalê kirin, bi hezaran welatî û malbatên Êzidî yên Şengalê berê xwe dan Çiyayê Şengalê û heya niha jî dibin şert û mercên zehmet de dijîn.
Yek ji welatiyên Şengalê Seyîd Miço ku dema fermanê de bi malbata xwe re çûne Çiyayê Şengalê, diyar kir ku çiya timî bûne stargehên wan ên dema fermanan de û wiha got; “Di dema fermanê de diyar bû ku çiya çend ji me re giringe. Di dema bav û kalên me de jî me dîtibû, lê vê carê hemû kesê bi çavên xwe dît ger ku çiya nebin, Êzidî bi qirkirinek çawa re rû bir û dibin.”
Miço da zanîn ku dema rejîma Baas de Êzidî ji çiyan dûrxistin, ev jî weke fermanekê bû ji bo wan û got; “Me di deştê de gelek zehmetî dîtin. Em rastî gelek pirsgirêkan hatin. Ji bo wê jî Êzidî di çiyan de xwe diparêzin. Lê hikûmeta Sedam dixwest Êzidiyan ji çiyan dûrbixwe. Ev ji bo qirkirina Êzidiyan bû.”
Di dawiyê de Seyîd Miço bang li Êzidiyan kir ku xwedî li xak û çiyayên xwe derkevin, ji ber çiya ji bo wan cihên herî bi ewle ne…ROJNEWS
Çiya ji bo Êzidiyan cihê herî bi ewle ye
