Bi rejîma Erdogan re rêxistineke nû ya bazirganî ava bû. Pereyên qirêjî cihokên nû ji xwe re dîtin. Ev çerxa ku li dora Erdogan ava dibe patronên nû çêkir. Hemû ji pergala nû re hatin hazirkirin.
Ji berevaniyê bigirin ta bi enerjiye, perwerdehî, tenduristî, tekstîl û heta bi medyayê, li hemû sektoran torên Serokkomarê Tirk Recep Tayyîp Erdogan bû serdest. Hin jê dilsoziya xwe ya bi Erdogan re bi navê ‘eşq’ê vegotin, hin jê tam bi rengekî rajêrbûnê, hin jê ji bo efendiyê xwe yê nû ketine pêşbirkê. AKP ya ku 2002’yan hatî ser kar polîs, leşker, medya, daraz bi dest xist, bi rengekî paralel derdora kar jî bi xwe ve girêda. Qedrotî ji her qadê ve hate avakirin.
Berat Albayrak bû mirovê herî li pêş ê siyasî yê Erdogan. Bêguman ne tenê ye. ‘Sultan’ bi zirxekî bazirganî dora xwe pêçaye. Weke polîs û leşkeran ev jî hem li dijî muxalefetê hem li dijî karker û kedkaran bi rengê amûra zext û tundiyê derdikeve pêş. Gendelî, pereyên gemarî, mêtingerî û jê zêdetir di nav vê çerxê de dizîvire. Amûrên sereke yên zorê yên rejîmê, ji hêla toreke berfireh a şîrketan ve tê rêvebrini. Hemû sûc diafirînin, dibine hevkarê sûc. Em bi pergaleke wiha ya aborî ya milîtarîst re hevrû ne ku berevaniya li rejîma dikta û geşkirina wê daye ber xwe.
Çerxa qirêj ya Erdogan
