Endama Komîteya Amadekar a konferansa Kongreya Star a Helebê Hêvîn Silêman destnîşan kir ku ji bo lidarxistina kongreya duyemîn a Kongreya Star û her wiha ji bo nirxandina rewş, çalakiyên kongreyê û her wiha pêşniyarên pêşxistina xebata kongreyê, amadekariya konferansa xwe ya duyemîn dikin.
Jinên taxa Şêxmeqsûd a Helebê di 15’ê Çile ya 2017’an de konferansa xwe ya yekemîn li dar xistibû. Piştî sal û nîvekê û ji bo nirxandina xebatên kongreyê, jinên taxê amadekariya konfransa xwe ya duyemîn dikin.
Endama Komîteya Amadekar a konferansê Hêvîn Silêman derbarê sedema lidarxistina konferansê de wiha got: “Ji ber rewşa Efrînê, binpêkirinên dagirkeriya tirk li herêmên Bakurê Sûriyê û Efrînê, ji ber rewşa pêvajoyê, her wiha ji ber hin kêmasiyên ku ji aliyê rêxistînî ve di Kongreya Star rû dan, me hewcedarî bi lidarxistina konferansê dît.”
Hêvîn destnîşan kir ku konferans ji bo birêxistikirin, aktîfkirin û azadkirina hemû jinên Ereb, Kurd, Suryan, Ermen û Tirkmen pêwîst e.
Hêvîn da zanîn ku komîteya amadekar ya konferansê hatiye derxistin û wan rêzecivîn ji bo hilbijartina rêveberiyên komînan û xetan li dar xist.
Endama Kongreya Star Hêvîn Silêman bang li hemû jinan kir ku ji bo pêşaroja Sûriyê, di bin sîwana Kongreya Star de xwe bi rêxistin bikin.
Amadekariyên Kongreya duyemîn a Kongreya Star dewam dikin
