Peymangeha Zanistên Perwerdehiyê ya Cegerxwîn di vê demsala havînê de perwerdeya mamosteyên dibistanên seretayî didomîne.
Peymangeha Zanistên Perwerdehiyê ya Cegerxwîn ya li Qamişlo xebatên xwe yên perwerdehiyê berdewam dike. Di vê demsala havînê de ji bo dibistanên seretayî mamosteyan perwerde dike.
Mamosteyên Peymangehê diyar kirin ku niha di peymangehê de perwerdeya 445 mamosteyan dewam dike.
Mamosteya Zanyarî Nesrîn Heyder diyar kir ku li Peymangeha Zandistên Perwredehiyê ya Cegerxwîn di aliyê rêbaz de perwerde baş tê dayîn û wiha got, “Hewl tê dayîn ku îsal di peymangehê de asta mamosteyan bilind bibe. Piştî ku dibistan tên girtin em perwerdeya mamosteyan dest pê dikin. Di van perwerdeyan de ji bo ku pêşketin çê bibe gelek nîqaş tên kirin û biryar tên girtin. Her wiha di van perwerdeyan hêjmara mamosteyên jin zêdetir in.”
Endama Rêveberiya Peymangeha Zanistên Perwerdehiyê ya Cegerxwîn Fadya Ferec jî da zanîn ku perwerde li ser branşan tê dayîn û diyar kir ku perwerdê di 16’Hezîranê de dest pê kiriye û wê heta 20’ê Tebaxê berdewam bike. Fadya Ferec wiha got, “Ji refa yek heta refa şeş pirraniya mamosteyan ji Qamişlo yê ne. Hêjmara mamoseyan 445 e. Wane li ser du beşan tên dayîn, yek wêje û yek jî zanist. Rojane perwerde ji saet 8’ê sibê heta 12:30 yê nîvro tê dîtin. Hêjmara mamosteyên ku waneyan didin 25 in.”
Gulbîn BOZO
