Li hemberî êrîşên dagirker ên dewleta Tirk ku ciwanan li Qendîlê çalakiya mertalên zindî dabû destpêkiri mehek li pey xwe hişt.
Bi pêşengiya Tevgera Ciwanên Welatparêz û Jinên Ciwan ên Têkoşer bi slogana ‘Serî li hemberî dagirkeriyê rake’ li Qendîlê çalakiya mertalên zindî hatibû despêkirin. Mehek li ser vê çalakiyê derbas bû.
Di nava mehekê de ji bajarên cihê yên Başûrê Kurdistanê bi hezaran kes hatin serdana ciwanên çalakger. Gelek beşên civakî piştgirî dan çalakiya mertalên zindî ya ciwanan.
Ji ber ku mehek li ser çalakiyê derbas bû, ciwanan li Qendîlê daxuyanî dan çapemeniyê.
Serhildan Bamerdî daxuyanî xwend û got, “Çalakiya mertalên zindî ya ku me mehek berê dabû destpêkirin, bi hemû coşa xwe didome. Bi slogana ‘Serî li hemberî dagirkeriyê rake’ me ciwanan Başûrê Kurdistanê gelek mêvan pêşwazî kirin. Ji niha û şûnde jî em ê berxwedana xwe bidomînin.”
Çalakiya mertalên zindî mehek tije kir
