Berxwedana welatiyên Efrînê yên ku ji ber êrîşên dagirkeriya Tirk li herêma Şehbayê bi cih bûn berdewam dike. Jinên Efrînê yên li kampa berxwedanê diyar kirin ku ew ê tevî hemû zehmetiyan jî têkoşîna xwe berdewam bikin da ku vegerin Efrînê.
Jinên Efrînê yên ku di kampa berxwedanê ya kantona Şehbayê de bi cih bûne û têkoşîna xwe dewam dikin, gotin: “Em tevî hemû zor û zehmetiyên jiyanê, berxwedana xwe kêlî bi kêlî dewam dikin. Em ê rojekê teqez vegerin ser axa xwe. Ji ber ku baweriya me bi şervanên me yên azadiyê heye.”
Di çarçoveya mijara berxwedana gelê Efrînê de li Kampa berxwedanê jinan nerînên xwe anîn ziman. Jina bi navê Nazliyê Mihemed axivî û got: “Dewleta tirk û hevkarên wê bi hovîtiya ku kirin ji Efrînê bi sed hezaran kes dan koçberkirin û bûn sedem ku jiyana xwe di bin çadiran de berdewam bikin. Lê dîsa tevî hemû zehmetiyan û astengiyên jiyanê ji bo ku em carek din vegerin Efrînê em ê têbikoşina dewam bikin.”Ji na bi navê Firyel Cimo jî bertek nîşanî dagirkirina Efrînê da û ev tişt got: “Erdogan û komên pê re bi êrîşên xwe nikarin îradeya Gelê Kurd bişkînin. Ji ber ku Gelê Kurd îradeya xwe ji fikir û felsefeya Rêber Apo digire. Em qebul nakin ku em di bin dagirkeriya dewleta tirk de bijîn. Em wek dayîk ji bo rizgarkirina Efrînê em ê xwe bikin top û di nav çeteyan de biteqîn. Bangawaziya min ji hemû Dewletên navnetewî re heye ku êdî bê dengiya xwe bidawî bikin û ji ber ku pêkanînên dewleta tirk ên li ser Efrînê mirovatî derbas kirine.”
Jina bi navê Zehira Salêh Ebdî jî bertek nîşanî dagirkirina Efrînê da û wiha got: “Tekoşîna gelê Efrînê ku li Şehba dide meşandin wê misogeriya rizgarkirina Efrînê bi xwe re bîne. Planên dewleta tirk û hevkarên wê li ser gelê kurd wê vala bên derxistin. Em ê bi hêza xwe û hêza şervanên xwe di demek nêz de vegerin Efrînê.”…JINNEWS
