Hevseroka HDP’ê Pervîn Buldan, ji ber ku di 24’ê Hîzranêde nûnertiya wekhev bi dest nexistin rexenedayîn da jinan.
Meclisa Jinan a Partiya Demokratîk a Gelan (HDP), ji bo ku Hilbiajartinên 24’ê Hezîranê binirxîne, xwe ji bo serdema nû amade bikin û ji bo rêxistinkirina jinan niqaş bikin li navenda xwe ya giştî civîn li dar xist.
Axaftina vekirinê ya civînê ji aliyê Hevseroka HDP’ê Pervîn Buldan ve hat kirin. Pervînê hilbijartinên 24’ê Hezîranê jî bi bîr xistin û wiha got: “Ev bu hilbijartineke ku di serdemeke ne meşrû, di şert û mercên OHAL’ê de ku bi sedan kes di girtîgehan de ne pêk hat û HDP’ê di vê hilbijartinê de serkeftineke mezin bi dest xist. HDP bû partiya yekane ku bendava derbas kir.”
Pervînê ji jinên di girtîgehan de dimîn re jî spas kir, diyar kir ku wan di vê hilbijartinê de temsîliyeta wekhev ya jinê bi dest nexistiye û wiha got: “Me got ku me îmze avêt binê serkeftineke mezin lê em dibêjin ku ev serkeftin ji bo me ne bes e. Partiya ku herî zêde nûneritiya jinê lê heye HDP ye. Lê ji ber ku me nûnertiya wekhev bi dest nexist em rexnedayîna xwe didin. Li gel 67 parlamenterên mêr 26 parlamenterên jin ketin parlamentoyê. Em derketin rêjeya ji sedî 37’an. Lê em dizanin ku ev ne bes e. Ev nebesî wekî dersekê ye ji bo me ku em di serdema bê de vê çareser bikin.”
Pervîn li ser serdema nû ya piştî hilbijartinê jî nirxandin kir û wiha got: “Diyar e ku ew ê ev pergal jî tu pirsgirêkan çareser neke. Me bi caran di vî warî de hişyarî kir. Em dibêjin ku divê dest ji vê pergalê bê berdan û demildest derbasî pargala parlamenteriyê bibin. Ev pergal dibêje ku wê faşîzm berdewam bike.”
Wê bi vê pergalê jî faşîzm dewam bike
