Meclîsa Sivîl a Dêrazorê bi durûşmeya “Projeya Avakirina Hêzan a Meclîsa Sivîl a Dêrazorê” sêyemîn civîna xwe li dar xist. Di civînê de kar û barên meclîsê hat gotubêjkirin û di vê derbarê de nêrîn û pêşniyar hatin pêşkêşkirin. Di civînê de projeyên xebatên dema pêş
hatin dest girtin. Hat diyar kirin ku pêdiviya herêmê bi projeyên xebatan heye.
Di bin durişmeya “Projeya avakirina hêzan a Meclîsa Sivîl a Dêrazorê” de, sêyemîn civîna Meclîsa Sivîl a Dêrazorê hate lidarxistin. Di civînê de pêdiviyên sereke û astengiyên li pêş komîteyên meclîsê û rêxistinên navnetewî û hundirîn, hatin gotûbêjkirin.
Di bin durişmeya “Projeya avakirina hêzan a Meclîsa Sivîl a Dêrazorê” de sêyemîn civîna Meclîsa Sivîl a Dêrazorê hate lidarxistin. Di civîna ku li hola konferansan a Meclîsê hate lidarxistin de, hemû endamên komîteyên xizmetguzarî, rêxistinên navnetewî û hundirîn ên li Bakurê Sûriyê dixebitin û nûnerên Meclîsa Sûriya Demokratîk MSD’ê û Hevserokê MSD`ê Riyad Dirar û Endamê Desteya Siyasî ya MSD`ê Hesen Elî Zohat û Endamên Meclîsa Sivîl û Zagonsaz ên Dêrazorê beşdar bûn.
Axaftina destpêkê ya civînê ji aliyê Hevserokê Meclîsa Sivîl a Dêrazorê Xesan El-Yûsif ve hate kirin. Yusif behsa girîngiya projeya demokratîk li Dêrazorê kir û destnîşan kir ku rizgarkirina herêmê û hevgirtina pêkhateyên herêmê dihêle bal cîhanê li ser vê herêmê be.
Hevserokê Komîteya Rêxistinên Mirovî û Karûbarên Civakî Tariq El-Raşid jî axivî û wiha got,”Ev herêma ku çend sale di nava şer de ye, em ê hewl bidin projeyên xwe yên xebatê pêş bixin û ji bo pêşerojê proje û plansaziyan derxînin. Pêdiviya herêmê bi xebatên mezin heye.”
Paşê di civînê de nîqaş û pêşniyar hatin kirin. Di dawiyê de rewşa bajarê Dêrazorê û pêdiviyên welatiyan hat destgirtin û li ser rêbazên kar û koordîneya bi rêxistinan re hat nîqaş kirin.
