Barzanî dagirkeriya Tirkiyê rewa dike

Partiya Kesk a Kurdistanê anî ziman ku daxuyaniyên Barzanî dagirkirina Tiriyê ya Başûrê Kurdistanê rewa dike.
Partiya Kesk a Kurdistanê têkildarî daxuyaniya Nêçîrvan Barzanî û êrîşa dewleta Tirk a dagirker li ser Başûrê Kurdistanê daxuyaniyeke nivîskî da.
Daxuyanî wiha ye:
˝ Sala 2014`an ji aliyê her kesî ve hat fêmkirin ku hêzên ku Kurdistan parçe û dagirkirine tu carî xêrê ji gelê Kurd re naxwazin. Dema ku çeteyên DAIŞ`ê êrîşî Başûrê Kurdistanê kirin hikûmeta herêmê alîkarî ji Tirkiyê xwest û Tirkiye nebû alîkar. Hêzên Parastina Gel û Hêzên Gerila derbasî Başûrê Kurdistanê bûn û li hemberî çeteyên DAIŞ`ê şer kirin.
Gelê Kurd piştî vê yekê texmîn dikir ku hinek aliyên siyasî ji vê yekê tecrube bigrin. Lê belê Serokê Hikûmeta Başûrê Kurdistanê têkildarî êrîşa dewleta Tirk li ser Başûrê Kurdistanê daxuyanî dide û vê êrîşê rewa dike.
Diviyabû Serokê Hikûmeta Başûrê Kurdistanê dewleta Tirk a dagirker ji xaka xwe derxîne û Kongreya Netewî were lidarxistin lê belê berovajî vê yekê dike.
Em weke Partiya Kesk a Kurdistanê daxiyaniyên Nêçîrvan Barzanî weke rewakirina dagirkeriya Tirkiyê dibînin û bang li hemû aliyên Kurd dikin ku bi lez Kongreya Netewî lidar bixîn.