Navenda Nûçeyan-Qamişlo
Bi boneya cejna Newrozê Koordînasyona Kongreya Star daxuyaniyeke nivîskî da û bang li pêkhateyên bakur û rojhilatê Sûriyê kir ku li gorî nirxên berxwedan û jiyana hevbeş li dijî hemû komployan li ber xwe bidin û Newroza îsal bikin Newroza azadiya fîzîkî ya rêber Ocalan.
Daxuyanî wiha ye:
“Em Cejna Newrozê li Rêber Ocalan, tevahî gelê Kurdistan, gelê herêmê, malbata şehîdan, gelên azadîxwaz, Yekîneyên Parastina Gel (YPG), Yekîneyên Parastina Jin (YPJ), Hêzên Sûriya Demokratîk (QSD) û Hêzên Ewlekariya Hundirîn pîroz dikin.
Em di şexsê şehîd Mazlûm Doxan, Rehşan û Sûsin de hemû şehîdên azadiyê bi bîr tînin. Newroz sembola azadî, wekhevî û rizgariya ji bindestî û mêtîngeriyê ye. Berxwedana gelê me ji dagîrkeriya Tirk û ji hemû dijminên gelê Kurd re îspat kir ku îrade û têkoşîna gelê Kurd wê her tim bi ser bikeve û hemû plan û hewldanên dijmin yên ji bo têkbirina destkeftiyên gel têk bibe.
Em bang li gelê xwe dikin ku bi rihê berxwedana dîrokî berxwedan û têkoşînê mezin bikin.
Divê em li ser rêgeza biratiya gelan û jiyana hevbeş li hember hemû komplayan li ber xwe bidin û Newroza 2022’an bikin Newroza pêkanîna azadiya fîzîkî ya rêber Abdullah Ocalan, ji ber ku azadî û demokratî bi azadiya rêber Abdullah Ocalan pêk tê.
Em soza şopandina rêya şehîdên demokratî û azadiyê dubara dikin ku serkeftinê pêk bînin û heta Sûriyeyeke nenavendî û demokratîk ava bikin.”
