Jinên ku beşarî pêşengeha ku Kevana Zêrîn li Dêrikê vekir bûn diyar kirin ku jin çandê diparêzin û pêş dixin. Jinan got, “Di civakê de ya herî zêde li çanda xwe xwedî derkeve jin in.”
Ferîşte NEZÎR
Tevgera Kevana Zêrîn a Bakurê Sûriyê di bin dirûşmeya “Bi çanda resen û hunera jinê em ê jiyaneke azad û civakeke wekhev bi afirînin” ser du rojan 2 û 3 Tirmehê li bajarê Dêrikê yekemîn pêşengeke çand û hunera destan a jinan, pirtûk, wênesaz û xwarinên kevnar hate vekirin. Pêşengeh bi armanca parastina û zindî kirina çanda gelerî hate li darxistin, her wiha di pêşengehê de cil û bergên kurdî, karên destan, xwarinên gelerî, govend û staranên herêmî hatin pêşkêşkirin. Têkîladê mijarê rojanameya Ronahî nerînên beşdarvanan girt û diyar kirin ku Jin afrîner û parêzvanê çanda resene.”
PÊŞENGEHA ÇAND Û
HUNERA GELAN
Rêvebira Desteya çand û hunera Dêrik Dicle Mihemed derbarê amedekariyên pêşengeha çandê wiha got: “Wekî Desteya Çandê û bi alîkariya kevana Zêrîn ev du mehin amedekariyê vê pêşengeha çandê ku di 2’ê Tîrmehê li bajarê Dêrikê hate li darxistin. Her wiha ne tenê çanda kurdî, çanda pêkhateyên Ereb jî di pêşengehê de hatin pêşkêşkirin, Di pêşengehê de hemû cûreyên çanda kurdî û erbî ser du rojan hatin pêşkêşkirin.”
Dicl bal kişand ser cûryên xwarinên filkilorî û wiha pêd çû: “Di pêşengehê de cil û berg, xwarinên filkilorî û karên destan..hwd. Xwerin wekî kutilk, şamborek, serûpêh, mehir, nanê sêlê, danê hişk û nîsk, armanc ku em çanda xwe biparêzin û ji bo nifşên nû her di civakê de zindî bihlin.”
ÇANDA GELAN Dİ ÇİVAKÊ ZİNDÎ BİKİN
Endam Komîta amedekar Fatma Hisên ser armanc û tevlî bûna xwe wiha got:”Armanc ku civak û gel çanda xwe ya bav û kalan xwedî derkevin û nûjen bikin, her wiha ev pêşengeh bi keda dayiyên temen temen mezin yên ku xwedî çanda kevnar orgenîz kirin.”
Fatma yek ji jinên ku xwarinên filkliro amedekir û wiha bi dawî kir: “Hemû cûreyên xwerinên kevnar me çêkirin, di heman demê de jî nanê wekî nanê sêlê, nanê heftik, şilek û tenurê. Her wiha cil û berên kurdî yên hemû herêman yên jinan tenê li pêşengehê pêşkêşkirin, armanc ji vê pêşengehê netenê ku çand kurdî bikin, her wiha ji bo piştgiriya hemleya Serîhilde û rizgarkirina Efrînê ye.”
JİN XWEDÎ ÇANDA
RESENE
Fatma Hisên bang li hemû jinan kir ku beşdarî mîna vê pêşengehê bibin û wiha bi dawî kir: “Jin afrîner û parêzvanên çanda resen, ji bo wê jî tenê dikare xwedî li çand û hunera xwe derkeve.”
