Zarokên Mexmûrê xwedî li çanda xwe derdikevin

Zarokên Mexmûrê di bin banê Weqfa Jinên Mexmûrê de xwedî li stran û çanda xwe derdikevin.
Zarokên Mexmurê di bin banê Weqfa Jinên Mexmûrê de perwerdeya çand, folklor û Mûzîka Kurdî dibînin. Zarokên perwerdê dibînin weke 3 komên dengbêjî û yek koma govendê ji hev cuda dixebitin. Heftiyê 2 rojan li navenda Weqfê perwerde dibînin.
Mamosteya govendê û stranan Axîn Kara di derbarê xebatên zarokan ên dib banê weqfê de tên perwerde kirin de ev agahî dan: “Her diçe tevlîbûna zarokan zêdetir dibe û niha nêzî 170 zarokên Mexmûrî di biniya Weqfê de perwerdê dibînin. Zarok tenê nayên perwerde kirin, di heman deme de bi kombûna wan û lîstokan civata xwe jî mezin dikin.”
Axîn diyar kir ku ew li hemberî pergala zarokan ji çanda wan dûrxistiye şer dikin û zarokan li derdora çanda xwe kom dikin.
Axîn ji bo bernameya havînê jî da zanîn ku amadekariyên wan ji bo Vejîna 15’ê Tebaxê û Festivala Zarokan hene û axaftina xwe wiha bi dawî kir; “Lê niha ji ber germê heya 15’ê Tîrmehê emê navberê bidin xebatên xwe yên prova û perwerdekirina zarokan.”…ROJNEWS