Komîteyên lihevanînê û rûspiyên eşîrên Kurd û Ereb yên Hesekê nakokiya di navbera eşîrên Bobilan û Gabaran de çareser kir.
Şêx û rûspiyên eşîran, komîteyên lihevanên, bi amadebûna endamên saziyên Rêveberiya Xweser, Meclisa Aştiya Navxweyî û kesayetên civakî, merasîmê lihevanîna eşîrên Bobilan û Gabaran de li dar xist. Nakokiya her du eşîran 5 salan dewam kir, sedema wî vedigere sala 2017’an ku ji eşîra Bobilan Salar Idrîs Hesen di encama qezaya trafîkê de ku ji aliyê eşîra Gabaran ve hatibû kirin, jiyana xwe ji dest da.
Konê merasîmê lihevanînê ji aliyê eşîra Gabara ve li taxa Salihiyê ya Hesekê hate vedan û firavîn hat amadekirin.
Şêwirmenda Meclisa Kantona Hesekê Zeyneb Şîtka axivî û lihevhatina herdu eşîran pîroz kir û got: “Ji me hemûyan Kurd, Ereb û pêkhateyên din tê xwestin ku li gorî rêgezên neteweya demokratîk û biratiya gelan bi hev re bijîn, ji hev hez bikin û hevdu efû bikin.”
Ji qebîleya Cibûr, Şêx Hesen El-Mislit anî ziman ku ev kon ji bo çareserkirina pirsgirêkan hatiye vedan û got: “Ev nîşaneya resnebûn û biratiya gelan e li herêma Cizîrê ye.”
Di merasîmê de, serokê Komîteya Lihevanînê ya Hesekê Rêşad Xanim spasiy meclisên rûspiya, komîteyên lihevanînê û kesên ku di vê lihevanînê de beşdar bûne kir û banga aştî, hezarkirin û diyalogan li pêkhateyên herêmê kir.
Di dawiyê de eşîra Gabaran xwarin li danî ber beşdaran û her du aliyên bi nakok bi hembêzkirin li hev hatin.
ANHA
