Navenda Nûçeyan-Qamişlo
Yekîtiya Mamosteyan ya bakur û rojhilatê Sûriyê bi bi daxuyaniyekê bang li hemû mamosteyan kir ku tevlî Yekîtiya Mamosteyan bibin. Da ku karibin asta perwerdeyê bilind bikin.Herwiha Komploya Navneteweyî ya li dijî Rêberê Gelê Kurd Abdullah Ocelan şermezar kir.
Daxuyanî wiha ye
“Di 13`ê Sibata 2022`an de me dest bi civînên mamostayan kir. Civînên me yên bi dirûşma “Em ê bi rihê yekitiyê pirsgirêkên xwe çareser bikin”, wê li hemû bajarên bakur û rojhilatê Sûriyê berdewam bikin. Armanca me ji van civînan ew e ku hemû pirsgirêkên mamostayan ên perwerdehî, civakî û aborî nas bikin û li gorî derfet û hêza xwe hewl bidin çareseriyê ava bikin. Daxwaz, rexne û pêşniyarên mamostayan bigihînin cihên pêwendîdar û bikin bingeha niqaşên çareseriyê.
13`ê Sibatê, di heman demê de salvegera şehadeta Egîd Cîlo ye. Heval Egîd, yek ji pêşengên perwerdeya bakur û rojhilatê Sûriyeyê bû. Fedekarî û feraseta heval Egîd, di van rêzecivînan de armanc û hedefên me jî nîşan dide. Em dîsa bi rihê yekîtiyê, bi rihê hevgirtinê hewl bidin asta perwerdeya xwe û asta mamostayên xwe bilind bikin û bi vî şeklî hewl bidin layiqî hemû şehîdên xwe bin.
Dîsa di van civînan de pêvajoya salvegera komploya navneteweyî pêş dikeve ku îro jî bi rê û rêbazên cur bi cur berdewam dike. Bi van civînan em dixwazin ew komploya ku yekîtî û hevgirtina civakê hedef digirt û dixwast pêşî li bilindbûna kesayeta azad bigre lanet û şermezar bikin. Di avakirina civak û kesayeta azad de bikin pêngavek.
Bi van nêrîn û hestan em careke din bang li hemû mamostayên xwe dikin ku tevlî van civînan bibin. Nêrîn, nirxandin, rexne û pêşnyarên xwe li ser Yekîtiya Mamostayan pêş bixin. Dîsa pirsgirêkên xwe yên aborî, civakî û perwerdehî bi me re parve bikin. Da ku em bikaribin ji rewşa heyî zêdetir agahdar bin û li ser riyên çareseriyê kar bikin.
Îro li Dêrikê, 17’ê Sibatê jî li Til Hemîs civînên me li dar in. Hêvîdar in mamostayên me yên van herêman tevlî van civînan bibin.”
