Ayşa Silêman/ Dêrik
Meclisa kampa Newroz Erkdarkirina kujerê Hevrîn Xelef Ehmed Elhaîs ku bi navê Ebû Hatim Elşeqra tê naskirin bi daxuyaniyek şermezarkir.
Meclisa kampa Newroz a li bajarê Dêrikê û hemû niştecihên ku di kempê de jiyan dikin teyîn kirina Ebû Hatim Elşeqra yê ku tevlî bi dehan kumkujiyan bûye û kujerê Hevrîn Xelefe bi daxuyaniyekî şermezar kirin.
Di destpêka daxuyaniyê de bal hat kişandin li ser tayînkirina Ehmed Elhaîs ku bi navê Ebû Hatim Elşeqra tê naskirin wek fermendarê firqeya 86’an li Hesekê, Dêra Zorê û Reqa re di heman demê de tê naskirin û tevlî gelek kumkujiyan bûye li dijî sivîlên bêguneh. Ya herî berbiçav kuştina Şehîd Hevrîn Xelef û hevalên wê bi destê wî bû.
Di berdewamiya daxuyaniyê de hat diyar kirin ku kesekî mîna Ebû Hatim Elşeqra bi hezaran zarok, jin û kal kuştine wê çawa bikaribe bi edalet û bi wijdan kar bike. Kesekî ku kuştin di pêre jiyan dike wê helbet jiyana hemû welatiyan bi ne aramiyê re derbas bibe.
Di dawiya daxuyaniyê de wiha hat gotin:” Em wek meclisa Kampa Newroz û niştecihên wê Ji vê derê, em vê biryara neheq a li dijî gelê xwe şermezar û mehkûm dikin. Em piştgirî û li kêleka her kesê ku li hember vê biryarê radiweste ne.Her wiha em daxwaz dikin ku civaka navneteweyî biryarên bilez û lezgîn bigire û hemû sûcdarên komkujiyan hesab bide û wan derxin pêşberî edaletê.”
