Şêniyên Qamişlo cenazeyê şervanê YPG’ê Arî Can (Mezlûm Serhed) yê roja Çarşemê di encama qezaya trafîkê de li Hesekê şehîd bûyî, li goristana Şehîd Delîl Sarûxan veşartin.
Hevalên şehîd, cenazeyê hevriyê xwe hilgirtin û bi durişim û tilîliyên dayîkan ber bi goristana Şehîd Delîl Sarûxan ve çûn.
Merasimê bi deqeyeke rêzgirtinê dest pê kir. Hevseroka Meclisa Malbatên Şehîdan Hêvî Seyid sersaxî ji bo malbata şehîd û dayîka wî ku li bakurê Kurdistanê ye xwest û wiha got: “Şehîd Mezlûm nîşan da ku şagirtê rêber Abdullah Ocalan e. Ji bo belavkirina fikir û felsfeya wî dixebitin. Çiqas em behsa têkoşîn û berxwedana şehîd Mezlûm bikin em nikarin mafê wî bidin.”
Hêvî diyar kir ku şehîd Mezlûm efsaneyên qehremantiyê raber kirin, da ser şopa şehîdan û beşdarî piraniya pêngavên berxwedanê yên rizgarkirina bakur û rojhilatê Sûriyê bû.
Dayîka şehîd Serhed, Sacîda Can bi telefonê beşdar bû û got, kurê min şehîdê Kurdistanê û ye.
Birayê şehîd, Zana Serhed jî wiha got: “Şehîd Mezlûm wê di dilê me de bimîne, mamoste û hevriyê me bû. Tevî astengiyan têkoşîna xwe berdewam kir û em pê serbilind in.”
Zana Serhed di dawiya axaftina xwe de soza şopandina riya şehîdan da û got, bijî Serok Apo, şehîd namirin.”
Meclisa Malbatên Şehîdan nasnameya şehîd xwend û radestî malbatê kir.
Hevalên şehîd cenaze bi durişman spartin axê.
ANHA
