Hediya HISÊN-Qamişlo
Bi durişma “Pirtûk Rehjena Jiyanê Ye” Îro (29- 7- 2021) bi pêşengiya desteya Çand û Huner ya bakur û rojhilatê Sûrî li navenda Mihemed Şêxo ya bajarê Qamişlo pêşangeha şehîd Herekol ya pirtûkan ya pêcan hat vekirin.
Pêşangeh 29ê Tîrmehê vebû û heta 5ê Tebaxê wê dewam bike. Rojane ji saet 10ê sibehan heta 10ê êvaran vekirî ye. 44 sazî û çapxane tevlî pêşangehê bûn.
Derbarê mijarê de helbestvan Ebûd Mexso got ev du heyv in em amadekariya vekirina pêşangehê dikin. 130 hezar pirtûk tevlî pêşangehê bûne. Nivêsakr ji bakur û rojhilatê Sûrî, Tûnis, Iraq, Îtalya û bakurê Kurdistanê bi pirtûkên xwe tevlî pêşangehê bûne. Her roj saet 12 û 18an semîner wê werin dayîn. Mjarên semîneran pirrengî ne. Herwiha 3 diyalogên li ser huner, şêwekarî û pirtûkan hene. Pirtûk bi zimanê kurdî, erebî, suryanî, rirkî, ingilîzî û fransî ne. Piraniya pirtûkan çandî, wêjeyî, civakî, siyasî û zanistî ne. Pêşangeha wêneyan jî heye.”
Hêjayî gotinê ye ku bi sedan rewşenbîr, nivîskar, siyasetmedar, endamên saziyên civaka sivîl û bi sedan heskiriyên çand û nivîsê ji herêmên bakur û rojhilatê Sûrî tevlî vekirina pêşangehê bûn.
