Di qedexeya derketina derve de sebzeyan diçînin

Şêniyên navçeya Tirbespiyê di dema qedexeya derketina derve de di hewşên malên xwe de sebze çandin. Bi vê yekê karîn rêgeza debarê pêk bînin.
Bi berbelavbûna Koronavîrusê li piraniya dewletên cîhanê re, Rêveberiya Xweser a Bakur û Rojhilatê Srûiyê qedexeya derketina derve li herêmê ferz kir da ku nehêle vîrus derkeve. Heta niha jî Rêveberiya Xweser karî rê li pêşiya derketina vîrusê bigire. Şêniyên herêmê jî biryarên rêveberiyê bi cih anîn û di malên xwe de man.
Şêniyên navçeya Tirbespiyê karîn sûd ji dema qedexeyê bigirin û di hewşên malên xwe de dest bi çandina sebzeyan kirin, bi rêya bîrên di malan de av didin û pêdiviyên xwe jê peyda dikin.
Emar El-Dendeh ji şêniyên gundê Şêbaniya Dehan e destnîşan kir ku di dema qedexeyê de di hewşa mala xwe de (firingî), xiyar(alû) û îsot çandin. Bi vê yekê karî bi awayekî xweser sebzeyên ji malê re pêwîst peyda bike.