Dayîkên ji Başûrê Kurdistanê diyar kirin ku ji ber aloziya li Zînî Wertê gelek bifikar in. Dayîkan banga yekgirtin û pêşîgirtina li şerê birakujiyê li aliyên Kurdî kirin û gotin, pêwîst e hêzên başûr destûrp nedin dewleta Tirk xaka Başûr dagir bike.
Dayîkên ji Başûrê Kurdistanê têkildarê bombebaranên dewleta Tirk ên li ser xaka Başûrê Kurdistanê, şandina hêza pêşmerge ji aliyê PDK’ê ve ji bo devera Zînî Wertê û metirsiya rûdana şerê birakujî, nêrînên xwe bi rêya Rojnews’ê anîn ziman.
Mîna Ehmed: Rexneya min a li ser aliyên siyasî yên Başûrê Kurdistanê ewe ku ne xwedî helwestek yekgirtî ne. Pêwîst e em rabirdûya xwe li bîra xwe bînin.
Zuhre Kerîm: Dewleta Tirk a faşîst li dijî hemû gelê Kurde, dixwaze Hewlêr, Kerkûk, Şengal û cihên din dagirbike û bi ser nexeşeya Tirkiye ve berde. Ji bona wê divê em li dijî kuştin, bombekirin û hebûna dewleta Tirk a li Başûrê Kurdistanê bin.
Bêrîvan Mihemed: Wek dayîkek xwesteka min a destpêkê pêşîgirtina şerê birakujiye. Ji berku dewleta Tirk dixwaze bi van pilanan derb li gerîla û gelê Kurd bixe. Bila dijmin baş bizane hingî ji me werin kuştin em hîn zêdetir bi doza xwe ve tên girêdan û îradeya me xûrtir dibe.
Dayîkên Başûr banga yekgirtin û pêşîgirtina li şerê birakujiyê kirin
