Di çarçoveya xweparastina ji Koronavîrusê de, Desteya Perwerdeyê ya Bakur û Rojhilatê Sûriyê roja Pêncşemê bi riya Rojava TV dest bi perwerdeyê kir.
Bi slogana “Dibistana we mala we ye, bi hev re da ku xwe ji Koronavîrusê biparêzin” Desteya Perwerdê ya Bakur û Rojhilatê Sûriyê sibê li ser Rojava TV dê di saet 8:00`an de dest bi perwerdeyê bike, her wiha dê bi rêya malpera Youtubeyê jî waneyan belav bike.
Hevseroka Desteya Perwerdeyê ya herêma Cizîrê Rohat Xelîl diyar kir ku ji ber xwendekar ji xwendina xwe dûr ketin, diviyabû çareseriyan bibînin û proseya xwendinê berdewam bikin li ser vî esasî wane amade kirin û paşê ew tomar kirin, bi vî awayî xwendekar dê li malên xwede bi zimanê erebî û kurdî bixwînin.
Dema dersên bi rêya Rojava TV wiha ye:
Ji saet 8:00’an heta 12:00’an
Ji saet 14:00’an heta 15:00’an
Ji saet 16:00’an heta 17:00’an
Rêveberê kanala Rojava TV Îsam Îsa piştrast kir ku ew amade ne waneyan bi rêya kanalê biweşînin.
