Partiyên Kurd ên Rojava bi daxuyaniyekê bang li rêveberiya Herêma Kurdistanê kirin ku bi ez dest bi diyalogên nava Kurdan bike. Herwiha xwestin bi giyanê berpirsyariya dîrokî kar bike da planên qirêj yên pergalên dijberî gelê Kurd têk bibin.
Roja Pêncşemê partiyên Kurd ên Rojava daxuyaniyeke hevpar dan. Di daxuyaniyê de nameyek ji rêveberiya herêma Kurdistanê re şandin. Tê de bang li hikumetê kirin ku hewl bide nakokiya di navbera PDK û YNKê de li herêma Zînî Wertê derketî bi dawî bike.
Partiyan di daxuyaniya xwe de diyar kir ku bi saya fedekariya gelê Kurd yê li başûrê Kurdistanê û partiyên Kurdistanî piştî ku nakokiyên xwe dan aliyekî, gelê Kurd bi riya destûrê mafê xwe bi dest xist. Lê di vê dawiyê de li herêma Wertê asta nakokiya di navbera PDK û YNK`ê de zêde bû. Ev nakokî wê ne li başûrê Kurdistanê bandorê bike, li Rojavayê Kurdistanê jî wê bandorê bike. Yên sûdê ji vê nakoriyê bigirin Îran û Tirkiye ne. Êrîşên Tirkiyê yê li ser herêma Mexmûr, Xakurk û Balekaytî di vê çarçoveyê de ne. Ji ber û êrîş ji hêla partiyên Kurdistanî ve hatin şermezarkirin.
Partiyan bang li rêveberiya herêma Kurdistanê kir ku bilez hewl bide asta nakokiyê kêm bike û dest bi dîtina çareseriyan bi riya diyaloga bike. Herwiha divê çapemeniya Kurd jî dev ji hemleyên neyînî berde û aramiyê di nava gel de biweşînin.
Partiyên ku daxuyanî dayîn ev in:
-Partiya Yekitiya Demokratîk (PYD)
-Partiya Lîberal a Kurdistanê
-Partiya Komînist a Kurdistanê
-Partiya Demokrat a Kurdistanê li Sûriyê
-Partiya Demokart a Kurd- Sûriya
-Partiya Aştiya Demokrat a Kurdistanê
-Partiya Çepgir a Kurd li Sûriyê
-Partiya Çepgir a Demokrat a Kurd li Sûriyê
-Partiya Kombûna Niştimanî ya Kurdistanê.
-Partiya Guhertin a Demokrat a Kurdistanê
-Partiya Nûjen a Kurdistanê
-Partiya Kedkarên Kurdistanê
-Partiya Kesk a Kurdistanê
-Partiya Rêkeftina Demokrat a Kurd li Sûriyê
-Partiya Yekitiya Demokrat a Kurd li Sûriyê (Yekitî)
-Tevgera Îslah – Sûriya
-Partiya Demokrat a Kurd li Sûriyê (Partî)
-Partiya Biratî ya Kurdistanê
-Partiya Roj a Demokrat a Kurd li Sûriyê
-Yekitiya Niştimanî ya Azad-Rojava
-Şepêla Pêşeroja Kurdistanê
-Tevgera Civaka Demokratîk
-Kongreya Star
-Partiya Têkoşîna Demokratîk
-Partiya Komarger a Kurdistanê.
