Çavkaniyên ji hundirê bajarokê Silûkê diyar kir ku dewleta Tirk ji 5 welatiyên ku nexweşên Koronavîrusê ne, xwest ku biçin herêmên Rêveberiya Xweser a Bakur û Rojhilatê Sûriyê û li beramberî wê wê pereyan bidin wan.
Li gorî çavkaniyan ku 5 kes li bajarokê Silûk ê dagîrkirî yê rojhilatê bajarê Girê Spî bi Koronavîrusê (Covid-19) ketine.
Dewleta Tirk a dagîrker ji her 5 welatiyan xwest ku derbasî herêmên Rêveberiya Xweser a Bakur û Rojilatê Sûriyê bibin û li beramberî wê dê pereyan bidin wan. Ti agahî derbarê nexweşan de nehetin girtin ka tên dermankirin û ka ti rewşên din ên nexweş li kantona dagirkirî hene.
Hevserokê Meclisa Kantona Girê Spî Hemdan El-Ebid teqez kiribû ku dewleta Tirk nexweşên Koronavîrusê yên li Tirkiyê ber bi bajarê Girê Spî ve dişîne.
