Ji Kongreya Star daxuyaniya cejna Çarşema Sor

Koordînasyona Kongreya Star bi daxuyaniyekê cejna Çarşema Sor li civaka Êzîdî û tevayiya gelên herêmê pîroz kir.
Koordînasyona Kongreya Star bi pêmana cejna Çarşema Sor daxuyaniyek nivîskî weşand.
Di daxuyaniyê de wiha hat gotin: “Di serî de em sersala Êzîdiyan Çarşema Sor l gelên herêmê, bi taybetî civaka me ya Êzîdî pîroz dikin. Ev cejn ji bo civaka Êzîdî di nav xwe de wateyên pîroz, olî û niştimanî digire. Di vê rojê de jiyan nû dibe, xweza bi rengê nû, rengê jiyana nû xwe dixemilîne. Ev cejin ji bo me giyanê aştî û jiyana hevbeş di navbera gelên herêma Mezopotamyayê nîşan dide.
Cejna sersala Êzîdiyan Çarşema Sor a îsal li gel tedbîrên li dijî pandemiya global a Koronayê ku Rêveberiya Xweser a Bakur û Rojhilatê Sûriyê biryara qedexeya derketina derve daye, tê pêşwazîkirin. Ji ber wê ji bo parastina gelê me, tê xwestin ku tedbîrên Rêveberiya Xweser girtine di ber çavan re derbas bikin.
Em Koordînasyona Kongreya Star vê munasebeta resen li civaka me ya Êzîdî û gelên herêmê pîroz dikin.”