Çarşema Sor roja vejînê ye

Çarşem rojeke fadil e, Melik Fexredîn ji eşiq û dil afrandibû, Nas nedikir rihetî û xefiletê
Çarşem rojeke bê hesab e Ji ba wan meleka hatî ev cewabe
Deriyên xêrê vedikirin ji rojhilat heta rojava
Ev ayînên ola Êzîdî girêdayî Çarşema Sor in. Bi duakirinê û spaskirina Tawosê Melek temam dibin.
Tevî ku her ol ayîn û baweriyên wê cuda ne lê navaroka hemûyan yek e û banga îbadeta xwedê û yekbûna wî dikin û ew afrînerê vê erdê ye.
Ola Êzîdî jî bawer dike ku xwedê jiyan roja Çarşemê vejandiye. Li cem Êzîdiyan ew roja afirandinê ye.
Ji ber ku Êzîdî di dirêjahiya dîrokê de ji ber êrişên domdar li dijî wan, piraniya çanda xwe ya olî wenda kirine. Lê agahiyên xwe ji beytên olî werdigirin. Di beyta aferîna dinyayê de tê gotin:
Xwedawendê me înê kir esas e
Şemî boyê berê kiras e