Komek cotkarên gundewarên başûrê bajarê Hesekê cara yekê kemûn çandin. Erdê kêmên lê hatî çandin bi sedan donim e.
Şêniyên gundewarên başûrê kantona Hesekê debara xwe bi çandina genim, ce û pembû dikin. Lê ji ber rewşa dawiyê nêzî 10 salan e şêniyên herêmê pembû naçînin.
Îsal ji bo tecrûbe cotkaran bi desteka Komîteya Çandiniyê ya navçeya Şedadê zeviyên xwe kirin kemûn.
Cotkaran destpêkê serdana navçeyên bakurê kantonên Hesekê û Qamişlo mîna Dirbêsiyê, Amûde û Til Temirê kir da awayên çandina wê û eleqedariya pêwîst binasin.
Cotkarê bi navê Husam El-Ezîz ji şêniyên navçeya Şedadê ye diyar kir ku kemûn wek tecrûbeya yekê çandiye.
Li herêmên başûrê kantona Hesekê berî 20 salan kuncî, fistiq, sebze bi tevayiya cureyan, pembû û berberû û whd dihatin çandin. Lê qutkirina ava Xabûr bandor li çandiniya herêmê kir.
Li navçeya Şedadê ceribandina çandina kemûnê
