MSD`ê bi daxuyaniyekê cejna Paskalya li gelên xiristiyan ên li Sûriyê û cîhanê pîroz kir û hêvî kir ku ev cejin bi xwe re tenduristiyê ji tevayiya mirovayiyê re bîne û diyar kir ku aştî bê bexşandin û qebûlkirina hev pêk nayê.
Bi pêmana cejna Paskalyayê dikeve 12`ê Nîsanê, Meclisa Sûriya Demokraîtk (MSD) daxuyaniyeke nivîskî parve kir.
Di daxuyaniyê de wiha hat gotin:
“Em îsal cejna Paskalyayê ji ber belavbûna Koronavîrûsê li cîhanê, di şertên zehmet de pêşwazî dikin. Ji ber wê divê em li gorî perspektîfên tenduristiyê tev bigerin û şahiyên giştî li dar nexin.
Wek MSD em cejna Paskalyayê li tevayiya gelê xiristiyan ên li Sûriyê û cîhanê pîroz dikin û hêvî dikin ku bi xwe re tenduristî û saxiyê ji mirovayiyê re bîne.
Em careke din diyar dikin ku aştî bê bexşandin û qebûlkirina hev pêk nayê. Divê em welatekî ku ferq û cudayiyê naxe navbera netewe, ol û mezheban ava bikin.
Careke din em cejna Paskalya li xiristiyanên Sûriyê û cîhanê pîroz dikin û hêvî dikin ku em şahî û cejnên xwe di şert û mercên xweştir de, pêşwazî bikin ku li Sûriyê edalet û wekhevî bi saya sîstemeke nenavendî û demokratîk pêk bê.”
MSD: Em bi hêvî ne Paskalya bibe sedema aştî û tenduristiyê
