Li bajarê Îlamê yê Rojhilatê Kurdistanê wê pêşbirka ‘Mihrîcana Helbesta Kurdî Minal’ bê lidarxistin. Ji bo parastin û xurtkirina zimanê dayîkê, Mihrîcana Çaran ya Helbesta Kurdî tê lidarxistin.
Saziya Komeleya Helbest û Edebiyata Eywan ya Îlamê bi hevkariya Ofîsa Çand û Irşadê ya bajêr û piştgiriya Midûriyetiya Giştî ya Çand û Irşadê ya Îlamî wê pêşbirk û ‘Mihrîcana Helbesta Kurdî Minal’ li dar bixe. Wê di çarçoveya ‘Mihrîcana Helbesta Kurdî Minal’ de di heman demê de pêşbirka helbest, xwendina helbestê û afîşa derbarê ‘Mihrîcana Helbesta Kurdî Minal’ bê lidarxistin. Ji ber Vîrûsa Koronayê dîroka mihrîcanê nehat diyarkirin lê berhemên ji bo pêşbirka ‘Mîhrîcana Helbesta Kurdî Minal’ divê heta dawiya hezîranê bên teslîmkirin.
Helbestkarên ji her çar parçeyên Kurdistanê dikarin beşdarî pêşbirkê bibin. Di heman demê de zarok jî dikarin bi helbestên xwe û bi xwendina helbestê beşdarî pêşbirkê bibin.
Bernameya Mihrîcanê û şertên wê wiha ne:
“*Di beşa yekê de ji her çar parçeyên Kurdistanê Helbestvan bi helbestên xwe yên ji bo zarokan nivîsîn dikarin beşdarî pêşbirkê bibin.
*Di beşa duduyan de zarokên temenê wan bûyî15 dikarin bi helbestên xwe beşdar bibin. Zarokên ku wê beşdar bibin divê wêneyê nasnameya xwe jî bişînin.
*Zarok dikarin helbestên xwe bixwînin û bi riya videoyê bişînin. Zarokên bê hilbijartin wê bên xelatkirin.
*Helbest bi her zaravayê kurdî dibe.
*Helbestkar dikarin herî kêm bi 3, herî zêde bi 5 helbestan beşdarî pêşbirkê bibin.
“*Navnîşana mîhrîcanê:
@menalfestival
*Jimare ji bo danûstendina bi sekreter re:
0912 019 6025
0918 748 3257
