Di vê serdemê de ku mirov ji ber koronavîrûsê ji mala xwe dernakevin, li ser înternetê ji bo hînkirina Kurdî, Fêrgeha Kurdî hatibû amadekirin. Vîdeoya pêşî a Fêrgeha Kurdî 13’ê Nîsanê hat weşandin.
Ji ber şewba Covîd-19’ê li beşeke zêde ya dinyayê mirovan xwe vekişandiye malên xwe. Ciwanên ku xwestine di vê serdemê de tiştekî baş bikin, bi navê Fêrgeha Kurdî xebatek dan destpêkirin.
Di vê çarçoveyê de ji bo kesên ku qet bi Kurdî nizanin û dixwazin Kurdiya xwe geş bikin wê vîdeoyên perwerdeyê werin belavkirin.
Bi saeta Amedê saet di 19’an de wê her Duşem, Çarşem û Înê vîdeoyên perwerdeyê werin weşandin.
Hat diyarkirin ku di demên pêş de wê li ser yoûtûbe û platformên medyaya civakî jî weşan were kirin.
Fêrgeha Kurdî dest bi dayîna dersên Kurdî dike
