Bi pêmana salvegera binxistina DAIŞ’ê ji aliyê leşkerî ve, QSD’ê daxuyaniyek weşand û diyar kir ku destpêkirina pêvajoya siyasî li Sûriyê wek fîşeka dawî ye ku li termê DAIŞ’ê bikeve. Herwiha wê derî li ber aramiyê ji bo herêmên rizgarkirî vebe û QSD mîsogeriya Sûriyeke azad û pirreng e.
Di daxuyaniya QSD’ê de wiha hat gotin:
“Bi navê Fermandariya Giştî ya Hêzên Sûriya Demokratîk, em îro serkeftina herî mezin pîroz dikin, ku me ji ber tevayiya cîhanê ve pêk aniye û tevayiya xaka Bakur û Rojhilatê Sûriyê ji DAIŞê rizgar kiriye. Îro, bi derbasbûna salekê di ser bidawîkirina xîlafeta sexte re, DAIŞ hê cihekî metirsîdar digire ku em nikarin bi sistayî li hember bisekinin. Di heman demê de, dûrxistina nûnerên herêmê ji guftûgoyên navdewletî dihêle metirsiya vegera DAIŞ’ê hebe. Rêxistina ku hê di milê aborî de xurt e û karî bi derfetên xwe sûdê ji qonaxên tevlihev bigire û ji nû ve ruh bi xwe ve bîne. Ji ber wê destpêkirina pêvajoya siyasî li Sûriyê wek fîşeka dawî li termê DAIŞ’ê dikeve û her wiha derî li ber aramiya herdemî ji bo herêmên rizgarkirî û QSD bibe mîsogera Sûriyeke azad û pirreng.”
