Endamê Meclisa Giştî ya Rêveberiya Xweser a Bakur û Rojhilatê Sûriyê Cuma Kalo got, “Fikrê neteweya demokratîk dijminiya ji aliye deshilatdaran ve di nava gelan de hatî çandin, tine dike.”
Endamê Meclisa Giştî ya Rêveberiya Xweser a Bakur û Rojhilatê Sûriyê Cuma Kalo got, “Felsefeya neteweya demokratîk li ser bingeha şerê li dijî fikrê netewperest a desthilatdar a hewl dide gelên din kontrol bike, ava bû.”
Li ser projeya neteweya demokratîk a Rêber Abdullah Ocalan pêş xistî Kalo ev nirxandin kir: “Ji destpêka serdema 20an ve Rojhilata Navî di kirîzên mezin re derbas dibe. Dewleta netewperest wê demê mîna çareseriyê bû. Lê gelên di dirêjayiya dîrokê de li ser erdê xwe dijîn, berdêla wê dan. Bi zêdebûna fikrê çewisandinê yê dewleta netewperest û rêgeza şofînî re ya ku yek fikir, yek ziman û yek rengî ji xwe re dike bingeh, bedelê ku gel dide bilind bû. Têgeha dewleta netewperest hişt ku civak bi giştî hilweşe. Gelek çandên ku li ser vî erdî di dirêjayiya hezarê salan de diman qir dibin. Bûyerên li Sûriyê dibin berhemên dewleta netewperest e in.”
Kalo di dewama axaftina xwe de wiha got. “Dewletên tevlî şerê Sûriyê bûyîn, girîngiyê nadin çareseriyê. Tersê wê, dixwazin aloziyê bi rê ve bibin û berjewendiyên xwe li Sûriyê biparêzin..”
Kalo bal kişand ser aloziya li Sûriyê û wiha axivî: “Gelek dewletên tevlî aloziya Sûriyê bûyîn, pişta xwe dan fikrê taîfî yê destpêka aloziyê derketî. Ew dewlet ne şerê fikr tenê dikin, şerê dîrokê jî dikin. Wêrankirina cihên dîrokî, yên li Efrîn, Til Helef, Tedmur û kelaha Hisnê mînakên wê ne.”
Têkildarî peyama Rêber Abdullah Ocalan a dawî Kalo wiha got: “Peyama Rêber Abdullah Ocalan bi birayê xwe re şandî, banga hevgirtina gelên herêmê ji bo parastina yek-tiya Sûriyê ye. Her wiha vê şiyariyê dide: Eger dev ji hevgirtinê berdin wê bibe sedema parçebûna Sûriyê û paşrojeke ne diyar.”
