Ji bo pêşîgirtina li belavbûna vîrûsa Koronayê Rêveberiya Xweser a Bakur û Rojhilatê Sûriyê û şaneya aloziyê gelek tedbîr girtin û 9 nuqteyên tenduristiyê amade kirin.
Navendên tenduristiyê li herêma Cizîrê, Kobanê, Reqa, Tebqa, Minbic û Dêrazorê hatin vekirin û niha alavên destpêkê tev li wan peyda dibin.
Desteya Tenduristiyê li bajar û navçeyên Bakur û Rojhilatê Sûriyê tîmên hawarxwestinê ava kirin. Tîm ji ambûlans, kadroyên tenduristiyê û bi cilûbergên meydanî pêk tê. Herwiha reqemên rewşên awaret ku dema rewşên biguman derkevin yekser li wan bigerin, diyar kirin. Şaneya aloziyê 24 saetan bi nuqteyên tenduristiyê re di nava danûstandinan de ne. Tîma serdegiritinê erkê wê ew e ku dema agahiyên derbarê hebûna vîrêsê de bigirin yekser destwerdanê bikin û wan rakin navendên tenduristiyê.
Bijîşk Mesûd Îbrahîm ku li navenda tenduristiyê dixebite diyar kir ku navend ji 3 ode, 7 text, 7 bijîşk û hemşîreyên perwerdekirî pêk tê.
Desteya Tenduristiyê da xuyakirin ku heta niha li Bakur û Rojhilatê Sûriyê ti kes bi vîrûsê neketiye û bang li welatiyan kir ku hişyar bin. Kadroyên tenduristiyê rojane perspektîfan ji şaneya aloziyê û Desteya Tenduristiyê digirin.
