NASA’yê derbarê hilweşandina Heskîfê de got “Wê berdêleke vî karî hebe.”
NASA’yê wêneyê ji peykê yê Heskîfê ya di bin Bendava Germavê de weşand. Tevî wêne qala bandora Bendavê hat kirin. Di gotarê de hat diyarkirin ku ji bo ku Tirkiyê di warê ekonomîk de mezin bibe ev bendav hatiye çêkirin û hat gotin “Wê berdêleke vî tiştî hebe. Ev bendav wê bi qasî 190 kîlometrekareyî bandorê bike. Dema bendav tam tijî bibe wê Heskîf di binê avê de bimîne.”
Wêneyê 22’yê Sibata 2019’an û yê 12’ê Adara 2020’an li gel hev hatin belavkirin. Di binê wêne de ev tişt hat diyarkirin, “Asta avê rojane 15 santîmetreyan bilind dibe. Çaryeka rezervûarê tijî ye û di mehên pêşiya me de wê 50 metreyên din bilind bibe. Ev jî têr dike ku Keleha Heskîfê di bin avê de bimîne.”
