Bi belavbûna vîrûsa Koronayê re, bi milyonan Kurd û hin gelên din li Tirkiyê di nava metirsiyê de ne. Nexazim gelek ji wan bi zimanê tirkî nizanin.
Partiya Gelan a Demokratîk (HDP) bang li hikumeta Tirk û Wezareta Tenduristiyê ya Tirkiyê kir ku hişyarî û agahiyên têkildarî vîrûsa Koronayê bi zimanên din jî belav bikin ku yek ji wan jî zimanê kurdî ye.
Hevserokê şaxê bajarê Amedê yê HDP’ê Zeyyat Ceylan, dubare bang li saziyên tenduristiyê yên li Tirkiyê kir ku zimanê kurdî jî bi kar bînin. Herwiha bang li saziyên tenduristiyê kir ku bi riya dezgehên çapemeniyê yên herêm û malperan agahiyên nû yên têkildarî vîrûsa Koronayê belav bikin.
Ziyat bi riya Tora Erebiye Net diyar kir ku Rêxistina Tenduristiyê ya Cîhanê (WHO) bi zimanê kurdî gelek hûrgilî û dîmenên têkildarî awayên parastina ji vîrûsa Koronayê belav kirin. Lê saziyên tenduristiyê û desteyên li Tirkiyê bi carekê zimanê kurdî bi kar naynin û gelek kesên ku li vir dijîn bi zimanê tirkî nizanin.
Zeyyat Ceylan di dawiya axaftina xwe de got gelê Kurd kanala TRT Kurdî naşopîne, lewre Kurdan bi terorîstî bi nav dike.
