Fîlmê “Ji bo Azadiyê” li Berlînê cara pêşî hat nîşandan. Piştî nîşandana fîlm Derhêner Ersîn Çelîk got, divê hunermend û rewşenbîr bi qasî şervanan wêrek bin.’’
Fîlmê “Ji bo Azadiyê” ku berxwedana dîrokî ya Sûrê vedibêje, li paytexta Elmanya Berlînê cara pêşî hat nîşandan.
Fîlm li sînameya Babylonê hat nişandan. Hunermendên sînameya Kurd, rewşenbîr û siyasetmedarên Kurd jî di nav de gelek kesî li fîlm temaşe kir.
Piştî rêzgirtina ji bo fermandarê berxwedana Sûrê Çiyager û şehîdên din, fîlm hat nîşandan.
‘HUNERMEND Û REŞWENBÎR DIVÊ WÊREK BIN’
Piştî nîşandana fîlm Derhêner Ersîn Çelîk axivî: Çelîk bal kişand ser êrîşên qirker û dagîrker ên li ser çar parçeyên Kurdistanê û got, ‘’Di rewşeke wiha de ku rastiya Kurdistanê ev e, divê hunermend û rewşenbîrên Kurd jî mîna şervanan wêrek bin. Di rewşekê de ku şerê Efrînê û Reqayê dom dikir, me jî xwest wêrekiya şervanên Sûrê nîşan bidin. Ev welat welatê me ye û huner li gel her tiştî divê bidome.’’
