Berê lixwekirina cilûbergên kurdî di nava kesên bitemen de çandek bû, niha ev nêrîn bi awayekî paş de ketiye. Her sal rojek ji bo cilûbergan hatiye diyarkirin û jê re Roja Cilûbergên Kurdî tê gotin, lê belê li başûrê Kurdistanê ji ber biryara yektîp cil, qedexe ye xwendekar bi cilûbergên Kurdî biçin xwendingehan.
Li başûrê Kurdistanê 10’ê Adarê Roja Cilûbergên Kurdî ye. Sala borî xwendekarên xwendingeh û zanîngehan, her wiha karmendên sazî û dezgehan bi pêmana vê rojê cilûbergên Kurdî li xwe dikirin. Lê belê bi egera tedbîrên li hemberî vîrûsa Koronayê li xwendingeh û saziyan dewam nîne, îsal ev rêûresm li wan deran pêk nayê.
Salên borî di civakê de welatiyên di her temenî de girîngî didan cilûbergên Kurdî. Lê belê di roja me de têkildarî vê mijarê bi awayekî berbiçav paşdeketin çêbûye. Niha ciwan tenê di mûnasebetan de cilûbergên Kurdî li ber xwe dikin.
Li başûrê Kurdistanê ji ber ku pergala cilên yektîp, qedexe ye xwendekar bi cilûbergên Kurdî biçin xwendingehan.
Qedexekirin bandorê li rêûresma cilûbergên Kurdî dike
