Polîsên Tirk, gava rêveber û xwendekarên Komeleya Ziman û Çandê ya Birca Belek a Cizîrê diçin komeleyê li ber deriyê saziyê wêneyên wan digirin. Polîs xwendekar û rêveberên Komeleya Ziman û Çandê ya Birca Belek a Cizîra Şirnexê neriher dikin. Ji roja komele hatî avakirin heta niha polîs tim diçin ber derî û carna jî wêneyên xwendekarên wê digirin.
DI DEMA KURSÊ DE TÊN
Rêveberê komeleyê Mesût Uçkaç, diyar kir ku ji rofa kursên wan ên ziman dest pê kirîn heta niha polîs tên ber avayiya komeleyê û wêneyê-dîmenên xwendekar, rêveber û xebatkarên komeleyê digirin. Uçkaç got, jdi dema perwerdeyê de komek polîs tên ber derê komeleya me. Ev zoreke derûnî ye. Gava em ji wan dipirsin, dibêjin em li gorî fermanê tev digerin.”
Uçkaç, da xuyakirin ku perwerde mafê sereke yê mirovan e û bal kişand ser zora li ser zimanê kurdî. Uçkaç got armanca me, em li zimanê xwe xwedî derkevin. Bi van zext û zoran dixwazin pêşî li ber zimanê kurdî bigirin. Bi vî awayî dixwazin komeleyê bigirin.”
Endamê Komeleya Nivîskarên Mezopotamyayê Bahattîn Yagarcik jî da xuyakirin ku sazî û dezgehên kurdî ji ber polîtîkayên înkar û asîmlasiyonê tên girtin û got, zimanê me, dewlemendiya welatê me û cîhana me ye.
