Esma Mistefa/ Qamişlo
Kombenda Efrîn a Civakî li bajarê Qamişlo û li pêşiya navenda Neteweyên Yekbûyî li hember kiryarên komên çete yên ku di demên dawî de li ser goristana koçberên Efrînê li gundê Til Qirah a herêma Şehbayê bi meşekê girseyî şermezar kir.
Kiryarên dagirkeriyê û komên çeteyan derheqê gelê Kurd li herêmên dagirkirî her berdewam dikin. Piştî derketina gelê Efrînê û bi darê zorê ji herêma Şehabyê, kiryarên komên çete destpêkirin û herî dawî goristana koçberên Efrînê a gundê Til Qirah ji aliyê komên çete ve ango xwediyên wê erdê ku ew jî yek ji endamên komên çeteya ye; têne talan û wêran kirin û bang li xwediyê cenazeyan tê kirin ku divê her kes cenazeyê xwe ji wir derxîne û pereyan jî dixwazin û yên ku nikaribin pereyan bidin wê gorên xwediyên wan bê wêran kirin.
Kombenda Efrîn a Civakî bi kombûna bi sedan ji gelê Efrînê yên ku li bajarê Qamişlo dimînin li pêşiya navenda Neteweyên Yekbûyê nerazîbûna xwe li hember van kiryaran nîşan dan. Di xwepêşandanê de daxuyanî hate dayîn. Daxuyanî bi zimanê Erebî ji aliyê Nûcîn Îbiş ve hate xwendin.
Naveroka daxuyaniyê jî wiha bû:
Di daxuyaniyê de wiha hate gotin: ” Ji Neteweyên Yekbûyî û saziyên mafên mirovan ên têkildar re em Kombenda Efrîn a Civakî di derbarê rewşa kiritîk a mirovî ya li herêma Şehba bi giştî em vê bangawaziya lezgîn pêşkêşî we dikin û bi taybetî gundê Tel Qerah li gundewarê bakurê Helebê, ku piştî derbasbûna gelê Efrînê ji wî gundî re bi dahan gorên kesên ku jiyana xwe ji dest dane li wir dispartin axê. Xwediyê erdê ku yek ji van goristanan li gundê Tel Qerahê ye, daxwaz dike ku goristan were valekirin. An jî li beramberî cenazeyan pere were dayîn û eger daxwazên wî neyên bi cih anîn, gef li welatiyan daye ku gorên wan bêne ruxandin”.
Di daxuyaniyê de ev bang hate kirin: “Em bi navê Kombenda Efrîn a Civakî bang li Neteweyên Yekbûyî, saziyên mafên mirovan û aliyên peywendîdar dikin ku bi lezgînî mudaxele bikin û gavên ku me dane diyarkirin pêk bînin:
1-Damezrandina komîteyeke taybet ji bo şopandinê bê avakirin ku di vê dozê de lêpirsîn bike û avakirina çareseriyeke mirovî ku tê de mafê hurmetkirina miriyan û malbatên wan were misoger kirin.
2- Nehiştina wêrankirina goran û dayîna demekê ji bo gihîştina lihevkirineke guncaw û rêz li rûmeta mirovî re were girtin.
3- Başkirina şert û mercên aramiyê li herêmê, dabînkirina garantiyên pêwîst ji bo vegera ewle û bi dilxwazî ya gelê Efrînê, ku rê dide wan di bin şert û mercên guncaw de hestiyên miriyên xwe veguhezînin gundên xwe yên Efrînê.
