Esma Mistefa/Qamişlo
Ofîsa Jin a Meclisa Sûriya Demokratîk MSD’ê li bajarê Qamişlo panelek diyalogî di bin dirûşmeya “Dadweriya veguhêz di Sûriyê de û awayên pêkanîna wê” li dar xist.
Ofîsa Jin a Meclisa Sûriye Demokratîk MSD’ê bi beşdarbûna bi dehan ji jinên pêşeng, nûnerên partî û saziyên rêveberiya xweser û tevgerên jin di Bakur û Rojhilatê Sûriyê de panelek diyalogî di bin dirûşmeya “Dadweriya veguhêz di Sûriyê de û awayên pêkanîna wê” li hola zana a bajarê Qamişlo li dar xist.
PanEl bi giştî li ser nîqaşkirina dadweriya veguhêz di Sûriyê de û awayên pêkanîna wê hate organîzekirin.
Beriya ku bernameya panelê dest pê bibe, deqek rêzgirtin ji bo bîranîna şehîdan hate rawestandin û piştre
axaftina vekirinê ji aliyê Ofîsa jin di Meclîsa Sûriye Demokratîk li Bakur û Rojhilatê Sûriyê Cîhan Xidro ve hate kirin, di axaftinê de bal hat kişand ser sîstema ku di Sûriyê de tê pêkanîn, herwiha pêkanîna dadweriya veguhêz di giştî Sûriyê de û roja civak, partî û jin di avakirina Sûriyeke demokratîk û bi edalet di nava giştî gel û bi taybet jin di Sûriyê de. Bi taybet divê rola jin di Sûriya pêşerojê de neyê tunekirin û di destûra nû a Sûriyê de jin cihê xwe bigre.
Mijara ku bê nîqaşkirin ji aliyê Berpirsê Ofîsa jin ya MSD’ê a Qamişlo Hindirîn Mihemed ve hate xwendin û piştre deriyê nîqaşkirina mijarê hate vekirin.
Misogeriya mafê jin di pêşeroja Sûriyê de
Hindirîn Mihemed ku yek ji komîteya amedekar a panelê bû di derbarê naveroka panelê de wiha ji rojnameya me re axivî: “Dema ku Rêjîma Baas hate rûxandin, gelê Sûriyê bi hêviyên nû, hêviyên ku Sûriye û gelê wê gihîştiye azadî û armancên xwe; hatine hikumeta nû pêşwazî kirin. Lê bi pêşveçûnên ku hatine dîtin re, ev daxwaz û hêviyên bi bendewar nehatin pêkanîn.
Armanca me ji vê panelê ew e ku dadmendiyeke rast û li ser bingeha pêkanîna edaleta civakî ku tê de mafê her kesî bê parastin. Bi taybet di aliyê jin de divê jin di Sûriyê de cihê xwe di pêkanîna dadmengiyê û lêpirsînê de bigrin. Her wiha jin bikaribe rola xwe a sereke di biryardariyê de bilîze. Me jî xwest bi wesîleya vê kombûnê em nêrînên jin derbarê dadmendiya ku di Sûriyê de tê kirin û divê ji bo avakirina Sûriyeke damokratîk ne navendî jin çawa devbigere û cihê xwe tê de bigre.”
Her wiha panel bi encamnameyekê bidawî bû
