Amara Baran/Qamişlo
Şoreşa Rojavayê Kurdistanê yek ji şoreşên herî girîng yên ku di Rojhilata Navîn de ji bo tevahî mirovahiyê hatiye destpêkirin. Şoreşa 19 Tîrmehê bi rihê Şerê Gelê Şoreşgerî tevahî pêkhateyan bê ferq û cudahî di nava xwe hembêz kir û parast.
Li ser Şoreşa Rojavayê Kurdistanê re 12 sal derbas bûn. Di nava van 12 salan de li Rojavayê Kurdistanê û Bakur û Rojhilatê Sûriyeyê gelek bûyerên ku li Rojhilata Navîn de di sed salan de bikarin pêk werin, bi Şoreşa Rojava re çêbûn. Li gel şahî, xweşî, êrîş û tevahî êşên mezin jî gelê rojavayê Kurdistanê bi berxwedaniya xwe ya 12 salî rêya heqîqetê nîşanî dijmin da. Çewa ku şoreşa rojava di nava van 12 salan de dijminê kurdan û dijminê demokrasiyê bi awayekî zelal raxist berçavan di heman demê de wê ji vir û şûnde jî rastiya hêzên navneteweyî û dijminê kurdan bi hemû berxwedaniya xwe zelal bike û derxe holê.
Şoreşa Rojavayê Kurdistanê yek ji şoreşên herî girîng yên ku di Rojhilata Navîn de ji bo tevahî mirovahiyê hatiye destpêkirine. Di heman demê de yek ji cêwaziyên vê şoreşê ew e ku tevahî pêkhate bi awayekî bêferq û cudahî di nav xwede dihewîne. Ji ber vê yekê heya niha çiqas êrîşên hatine kirin ji gêlên Rojava bi rihê Şerê Gelê Şoreşgerî, li Bakur û Rojhilatê Sûriyê li hemberî hemû êrîşan tekoşîn dikin û êrîşan bê bandor dike.
Dewleta Tirk û hemû cîhan jî dizane ku bê azadiya jin civak azad nabe. Ji bona wî jî tevlîbûna jinan di Şerê Gelê Şoreşgerî de girînge, di vê çarçoveyê de Berdevka Qada Civakî a Bakur û Rojhilatê Sûriyeyê Leyla Hecî ji rojnameya me re axivî.
‘Şerê gelê şoreşgerî gaveke dîrokî ye’
Leyla di destpêka axaftina xwe de wiha got: “Em wekî gelên Bakur û Rojhilatê Sûriyê ji bo ku Şerê Gelê
Şoreşgerî baş nasbikin û pênase bikin pêwîste xwe li ser fikir û felsefeya Rêber Apo rêxistin bikin. Şerê Gelê Şoreşgerî bi xwe jî rêxistinkirine. Wekî ku Rêber Apo jî diyar kiriye ku gavekî dîrokiye ku em li hemberî dagirkeriyê bi hemû netewên xwe, xwe birêxistin bikin. Li Bakur û Rojhilatê Sûriyê dema em mêyze dikin yên ku herê zêde di şer de rola xwe dileyîze jin bi xwe ye. Di nav şoreşê de jin di hemû qadan de komîn û taxan rêxistin kir û bû xwedî helwest û di her qadê de doza parastina mafê xwe kir.”
‘Civaka rêxistinkirî civaka azade’
Leyla got ku civaka rêxistinkirî civaka azade li ser vî bingehê herê zede rola jin û ciwanan girînge û wiha dewam kir: “Ji bo ku êrîşên dewleta Tirk û çeteyên wî bên têkbirin pêwîste di her qadê de jin bibe xwedî rol. Şervanên YPJ îro bi hêz û îradeyek xort di çeperan de li hemberê zîhniyeta dagirker û DAÎŞ’a ku hemû cihan ji navê wî ditirsiya û nedikarî li hemberê wî bisekine îro YPJ bi îradeyek xort şer dike. Ji bo giştî cîhanê bû nimûneyek ku mînaka wî li cîhanê tuneye. Şoreşa Rojava bi saya Sarayan Arînan, Barînan, Avesteya, Zîlanan bû hêviyekî ji bo tevayî jinên cîhanê. Û di Şerê Gelê Şoreşgerî de bû pêngavek.”
‘Pêwîste civak xwe li ser esasê Şerê Gelê Şoreşgerî rêxistin bike’
Leyla bibîrxist ku “Dewleta tirk a dagirker hertim jina bi hêz ji bo xwe wek tirs dibîne û dike hedef, ku tune bike, û wiha anî ziman” pêwîste em wek jin li hemberê êrîşan bi yek dengê axa xwe biparêzin, berdelên ku di şoreşê de hatine dayîn xwedî lê derkevin. Ji bo rêxistinkirina şere gelê şoreşgerî em bikaribin bikevin nav civakê tax tax komîn komîn û pêwîst bike mal bi mal bigerin û civaka xwe li ser vî esasê pênaseya şerê gelê şoreşgerî çiye, perwerde bikin û bidin famkirin ku civaka me li her kolanekî de parastina ax û hebûna xwe bike.”
Leyla di dawiyê de bang li hemû jinan kir û got; “Ji bo parastina axa xwe û mîrasên ku şehîdan emanete me kiriye, bi rihê şerê gelê şoreşgerî xort bikin. Wek jin û ciwan xwe ji bo her qadekî şoreşê amade bikin û li ser bingeha şerê gelê şoreşgerî xwe birêxistin bikin ku her yek jime bibe parçeyek tekoşînê ku din av şoreşê de cîhê xwe bigre.”
