Pêşdeçûna Şervanên QSD’ê ya li Dêrazorê li dijî DAIŞ’ê dewam dike. Şervanên QSD’ê wê di qonaxa dawî de bajaroka Hecîn ji çeteyan rizgar bikin. Hêjmara welatiyên ku ji herêmên di bin serweriya DAIŞ’ê de ne direvin berê xwe didin kampa Îwa. Ev hêjmar roj bi roj zêde dibe.
Hejmara koçberên ku ji herêmên di bin serweriya çeteyên DAIŞ`ê de direvin, zêde dibe. Meclisa Sivîl a Dêrazorê jî li gorî derfetên xwe alîkariya wan dike.
Hejmara sivîlên ku ji herêmên di bin serweriya çeteyên DAIŞ`ê de direvin, ber bi herêmên ku ji aliyê şervanên QSD`ê ve hatine rizgarkirin ve, zêde dibe. Piraniya koçberan zarok, pîr û jin in.
Şêniyên wan herêman berê xwe didin kampa Îwa ya bakurê bajarokê Hecîn. Tevî tevgera koçberan di kampê de zêde ye jî, lê rewşa koçberan ji aliyê rêxistinên navdewletî û herêmî ve hatiye paşguhkirin.
Yek ji rêveberên kampa Îwa Mihemed El-Casim diyar kir ku di qonaxa dawîn a Pêngava Bagera Cizîrê ya bi navê “Şerê Tunekirina Terorê” de li dijî çeteyên DAIŞ`ê bi sedan sivîl ji bajarokê Hecîn derketin û berê xwe dan bakurê bajarok.
El-Casim da zanîn ku Meclisa Sivîl a Dêrazorê li gorî derfetên xwe alîkariya welatiyan dike.
Bi pêşdeçûna şervanên QSD`ê ber bi aliyê rojhilatê bajarokê Hecîn ve da ku baregehên dawîn ên çeteyên DAIŞ`ê rizgar bikin, tevgera koçberan zêde dibe…ANHA
