Zilm û wehşeta leşker û çeteyên dagirker li Efînê roj bi ro zêde dibe.
Dagirker welatiyan direvînin û bi rêbazên cuda êşkencê li wan dikin. Hat ragihandin ku dagirker welatiyên ku direvînin plastîkê bi ser laşên wan de dehlînin.
Li gor nûçeya di ANHA’ê leşkerên artêşa Tirk a dagirker û komên çete yên bi navê Feyleqa Duyemîn bi ser gundê Coqê yê girêdayî bajarê Efrînê de girtin û 5 welatiyên sivîl revandin.
Tê diyar kirin ku welatiyên sivîl ber bi navenda çeteyan a li bajarê Efrînê (beriya niha Navenda Asayîşê) ve hatin birin û ji bo serbest bêne berdan ji malbat û xizmên wan pere xwestin.
Tê gotin ku welatiyên ku hatine revandin êşkence li wan hatiye kirin û plastîk bi ser laşên wan de hatine helandin.
Beriya niha jî artêşa Tirk û komên çete yên girêdayî wê gundê Coqê talan kirin û îşkence li welatiyên gund kirin.
