Lîloz Hisên/Qamişlo
Yekîtiya Jinên Kurd li Elmaniyayê bi drûşmeya “Jin, Jiyan, Azadî Destkeftiyên Jinê biparêz e” festîvala Zîlan a 19’emîn li bajarê Leverkusenê yê Elmaniya di 21’ê Pûşberê li dar bixe.
Tevgera Jinên Kurd ya Ewropayê ji sala 2004’an festîvala Zîlan li dar dixe. Her sal drûşmeya festîvalê li gorî rewşa Kurdistan û cîhanê a ku li hember jinê tê guhertin. Îsal jî drûşmeya festîvalê bi “Jin, Jiyan, Azadî Destkeftiyên Jinê Biparêze” hate hilbijartin. Festîval wê ji bo parastina destkeftiyên şehîdên jin di seranserî berxwedana 52 salan ku têkoşîna azadiya netewî kirin.
Şehîd Zîlan bi çalakiya xwe bû xeta azadiya jinê. Çalakiya heval Zîlan kir; dem, pêvajo û komploya li dijî Rêber Apo hate kirin li hember wê guherand da çêkirin. Di heman demê de weke jin li ser rêya têkoşîna wê di warê netewî û zayendî li darxistina vê festîval bertek nîşandan e.
Di festîvalê de jinên Kurd ên li Elmanya, Belçîka û Hollandayê dijîn beşdar bibin. Di heman demê de gelek rêxistinên jinan, hunermend û înîsiyatîfên sivîl wê di festîvalê de cih bigirin.
‘Divê em guhertinê pêk bînin û pêşengtiya civakê bikin’
Yekîtiya Jinên Kurd li Emaniyayê daxuyaniyeke weşandibû tê de te diyar kir ku festîvala îsal wê bi ruhê banga Rêber Apo ya Aştî û Civaka Dmokratîk were lidarxistin û wiha hate gotin: “Festîvala îsal em ê bi atmosfereke hîn cuda, wate û girîng pêşwazî bikin. Weke jin em dizanin ku divê em ji xwe destpê bikin, guhertinê pêk bînin û pêşengiyê ji civakê re bikin.”
Bernameya çandî:
-Di festîvalê de hunermendên weke Chopy, Berfîn Mamedova, Baran Bozyel, Binevş Cizirî tevlî festîvalê bibin.
-Ji hunera Mizgîn Sosin, Nuarîn, Ozgur Işik û Zînê Botanî bi deng û awazên xwe tevlî festîvalê bibin. Di heman demê de guvend jî heye.
-Ji bo zarokan demeke xweş derbas bibe wê Koma “Zarok Ma” bernameyeke dewlemend pêşkêş bike.
-Axaftinên jinên biyanî û tevgerên jinên Elman û trevgerên jinên kurd hebe.
Herwiha wê çalakiyên cur bi cur hebin wê kişkên karêdestan, pirtûk di heman demê de kişkên xwarinên ji çanda kurdî ji herêmên Kurdistanê bêne pêşkêş kirin, rêxistinên jinên Elman û yên jinên kurd serêldana kişkan bikin.
