Xaniyên ku ji kerpîçan tên ava kirin li hember germ û sermayê gelek bi feyde ne. Yanî havînê hênikin û zivistanê jî germ in. Ji ber vê jî welatiyên ku li deşt û çolan dijîn hem ji ber van taybetiyên wan xaniyan û hem jî ji ber erzan avakirina wan, vê dixwazin.
Gundên navçeya Şedadê yê girêdayî Hesekê bi xaniyên herî tên naskirin. Ev şêwaza mîmariyê ji hezaran salan ve ji ber ji ber van taybetiyên xwe li herêmê tê berdewam kirin.
Tevî ku xaniyên ji çîmentoyê jî li herêmê tên lêkirin, lê gelek welatî xaniyên kelpîç ava dikin.
Karê çêkirina kelpîçan jî di demsala havîn û payîzê de tê kirin.
Têkildarî mijarê welatiyê bi navê Ehmed Hisên ê ji gundê El-Herîrî yê girêdayî navçeya Şedadê diyar kir ku ew xaniyên herî dipejrîne, ji ber ku ew çand û kevneşopiya herêmê vedibêjin.
Hisên destnîşan kir ku welatî ji ber guncawbûna xaniyên herî ji sermayê û germê re û kêm lêçûna avakirinê, xaniyên bi heriyê ava dikin…ANHA
