Ji bo parastina zimanê Suriyanî peymangeha Qin El-Şîn hat vekirin. Berpirsa peymangehê Miryam Milkê diyar kir ku armanca vekirina peymangehê ew e ku zimanê Suryanî ji nû ve belav bikin.
Zimanê Suryanî ku zimanekî qedîm yê Rojhilatanavîn e hatiye ber bi windabûnê. Tenê kal û pîr pê dizanin. Niha li Rojavayê Kurdistanê Yekitiya Suryan peymangehên ji bo fêrkirina zimanê Suryanî vedike.
Yekitiya Suryan û bi hevkariya Desteya Perwerde û Fêrkirinê ya herêma Cizîrê ji bo fêrkirina zarokan zimanê dayikê (Suryanî) 2 peymangeh bi navên Qin El-Şin û Olf Taf vekirin.
Ji ber tevlêbûna baş a zarokan ji bo fêrkirina zimanê Suryanî, Miryem diyar kir ku wan tevî peymangeha Qin El-Şin, peymangeha Olf Taf li taxa El-Nasra ya bajarê Hesekê vekir. Hejmara zarokan di peymangeha Qin El-Şin de gihişt 60 û ya Olf Taf 70 ye. Her wiha Miryem destnîşan kir ku di dawiya dewreyê de wan bawername û xelat li zarokan belav kirine.
Di dawiyê de berpirsa peymangeha Qin El-Şin Miryem Milkî wiha got: “Bi armanca pêşxistina ziman û çanda Suryan, em amadekariyên perwerdekirina gelek mamosteyan dikin.”…ANHA
Peymangeha Suryanî hate vekirin
