Navenda Ş.Hêzil a Çand û Hunerê ya navçeya Tirbespiyê, endamê xwe yê berê Ş.Dilgeş di salvegera şehadeta wî ya 3’yemîn de bi maresîmekê bi bîr anî.
Merasîm li Akademiya Ş.Yekta Herkol pêk hat. Tevî hevrêyên Ş.Dilgeş endamên saziyên sivîl û hejmarek hunermend beşdarî merasîmê bûn.
Di merasîma bîranînê de rêhevalê Ş.Dilgeş Sebxat Mele Beşîr axivî û behsa fedekariyên zarokên Rojava-Bakurê Sûriyê ji bo azadiya gelan û xelasiya ji çeteyan kir û wiha got: “Ş.Dilgeş mînaka rihê hevaltiya rastîn e, li ser fikir û felsefeya Rêber Ocalan mezin bûye. Ş.Dilgeş soza şopandina rêya şoreşê da û şehîd bû.”
Piştre endamê rêveber ê Meclisa Malbatên Şehîdan Karker Hisên axivî soza şopandina rêya şehîdan dubare kir.”
Paşê endamê Navenda Hêzil a Çand û Hunerê Kadar Hisên axivî û bal kişand ser girîngiya çand û hunerê di jiyan gelan de. Hisên pêwîstiya pêşxistina çand û hunerê anî ziman. Di dawiyê de Hisên destnîşan kir ku Ş.Dilgeş mînaka hunermendê ku bi çand û hunera gel û civakê xwe girêdayî bû.
Paşê jî komên Ş.Viyan û Ş.Dilgeş stranên şoreşgrî û gelêrî pêşkeş kirin. Her wiha rêhevalên Ş.Dilgeş stranên ku şehîd nivîsandibû gotin…ANHA
