Endama Meclîsa PJAK’ê diyar kir ku ew dixwazin hemû aliyên siyasî û hêzên li Îranê beşdarî nexşerêya KODAR û PJAK’ê bibin. Endama Meclîsê got, “bila hemû alî bizanin wê ev nexşerê tenê li ser kaxezê nemîne û pêwîste hemû alî ji bo dewlemendkirina vê nexşerêyê tevlîbûna xwe çêbikin.
KODAR û PJAK’ê di 12’ê Tîrmeha 2018’an de ji bo çareseriya pirsgirêkên Îran û Rojhilatê Kurdistanê nexşerêyek a çareseriya belav kir. Li ser helwesta aliyên din yên Rojhilatê Kurdistan a li hember nexşerêyê Ednama Meclîsa PJAK’ê Şerwîn Mazlum axivî û diyar kir ku ew bi hêz, alî, kesayet û gelek rewşenbîran re civiyane û heya radeyek baş nexşerê bi awayek erênî hatiye dîtin. Şervîn wiha got, “ji ber ev cara yekeme nexşerêyek li ser çareserkirina pirsgirêkên hemû pêkhateyên Îran û gelê Kurdistanê belav dibe.
Şervîn axaftina xwe wiha dewam kir; “Armanca me ew e ku em vê nexşerêyê li gel hemû aliyên din dewlemendtir bikin. Ji bo vê deriyê me ji bo hemû hêz û aliyên bixwazin beşdariya xwe ji vê nexşerêyê re bikin vekiriye.”
Şervîn diyar kir ku di nexşerêyê de berjewendiyên taybet û hizbayetiyê li ber çavan nehatiye girtin, lê hemû berjewendiyê gel û neteweyan hatin desgirtin.
Endama Meclîsa PJAK’ê Şervîn Mazlum di dawiyê de wiha got; “Em hewl didin zêdetir aliyên siyasî û hêzên din beşdarî vê nexşerêyê bikin. Em piştrast dikin ku ev nexşerê wê tenê li ser kaxezê nemêne.”…ROJNEWS
Em dixwazin hemû alî beşdarî nexşerêyê bibin
