Jinên ciwan ên Ereb ên taxa Şêxmeqsûd a Helebê destnîşan kirin ku dewleta Tirk tecrîdek giran li ser Rêberê Gelê Kurd Abdullah Ocalan ferz kiriye, bi vê tecrîdê dewleta Tirk hemû qanûnên navdewletî binpê dike. Jinên ciwan desnîşan kirin heta azadiya Ocalan qê çalakiyên xwe bidomînin.
Têkildarî tecrîda girankirî ya li ser Rêberê Gelê Kurd Abdullah Ocalan jinên ciwan ên Ereb ên taxa Şêxmeqsûd axivin û tecrîd şermezar kirin. Jinan dan zanîn ku ew ê têkoşîna xwe ya ji bo azadiya Ocalan bê navber dewam bikin.
Helîme Murad destnîşan kir ku fikir û felsefeya Rêber Ocalan ji bo xelasiya jinan ji pergalên zordar û zihniyeta mêr, ji wan re bû rêya ronahiyê. Helîme diyar kir ku Ocalan ji bo azadiya hemû gelên Rojhilata Navîn têkoşiya û têkoşîna xwe dewam dike û wiha got: “Dewleta Tirk nikare vîna gelê ku fikira Ocalan ji xwe re kiriye bingeh, bişkîne.”
Dilîşan Îbo jî soz da ku ew weke jinên ciwan ji bo azadiya Ocalan çalakiyên xwe wê bidomînin û wiha got: “Rêberê Gelê Kurd Abdullah Ocalan, girîngiyek mezin da jina ciwan û em weke jinên ciwan hemû pergalên ku çewsandina vîn û mafê jin armanca dikin, bişkînin û li gorî baweriya Ocalan tevbigerin.”
Delal Keno jî wiha got: “Rêber Ocalan banga azadiya jinan li hemû gelan kir. ji ber wê hemû jin dest ji rêgezên Ocalan bernadin û azadiya wî dixwazin.”…ANHA
