Komîteya Çand û Hunerê ya Minbic û gundewarê Wê bi boneya duyemîn salvegera rizgarkirina Minbicê pêşangeheke şêwekariyê di bin navê “Ronahiyeke ji Minbicê” de vekir. Di pêşangehê de wê şanoyeke bi navê “Vegera li welat” were pêşandan. Pêşangeh wê 3 rojan dewam bike.
Di pêşangehê de gelek hunermend û şêwekarên Minbicê beşdar bûne. Di pêşangehê de her wiha dîmenên stranên kevnar û folklorîk ên herêmê û helbest û şanoyek hatin pêşandan.
Di merasîma vekirina pêşangehê de hevseroka Meclisa Rêveber Nezîfe Xelo Mihemed El-Şêxo û bi dehan endamên saziyên sivîl ên bajêr beşdar bûn.
Di merasîmê de hevserokê Komîteya Çand û Hunerê Mihemed Qebertay axivî û spasiya beşdarên pêşangehê kir û diyar kir ku ev gaveke destpêkê ber bi vejandina çanda bajarê Minbicê ve ye.
Hevseroka Meclisa Rêveber Nezîfe Xelo axivî û kêfxweşiya xwe ji vekirina pêşangehê anî ziman û diyar kir ku ev gaveke ber bi diyarkirina taybetmendiya dewlemend a çanda herêmê ye û got: “Ev pêşangeh wê aştiyê vebêje û diyar bike ku çand û huner dikare hezkirinê belav bike û beşdarî xebatên avakirina paşerojê bibe.”…ANHA
Li Minbicê pêşangeheke şêwekariyê hat vekirin
