Hunermendên Hewlêrê diyar kirin ku rêzefilmên Tirk bandoriyek xerab kiriye û Tirkiye dixwaze bi rêya van rêzefilman çanda wan bide ji bîrkirin.
Hinek kanalên televîzyonê rêzefilmên Tirkî diweşînin. Van rêzefilman bandorek xerab li ser civakê û bi taybet ciwanan kiriye. Tirkiye bi van rêzefilman dixwaze çanda xwe belav bike û bide ferzkirin. Li ser vê mijarê hunermendên Hewlêrê nerazîbûn nîşan dan.
Hunermend Govan Enwer ê Komediyê eşkere kir ku rêzefilmên Tirkî bandorek xerab li ser civaka Kurd kiriye û got; “Tirkiye bi rêya rêzefilmên xwe çanda xwe di nava civaka me de belav kiriye û dixwaze çanda me bide ji bîr kirin. Vê jî bandorek gelek xerab li pey xwe hiştiye. Wiha biçe em ê çanda xwe ji bîr bikin û biçin li ser çanda Tirkiyê.”
Govan Enwer bal kişand li ser rêya çareseriyê û wiha dewam kir; “Wezareta Rewşenbîrî ya hikûmeta Herêma Kurdistanê bi erka xwe ranabe, ji bo komîsyonek taybet a çavdêrkirina van rêzefilmên Tirkî bike ku niha li hinek kanalan tê weşandin. Ji ber ku bi hezaran pirsgirêkên civakî bi xwe re anîne. Lewma pêwîste Wezareta Rewşenbîrî ya hikûmeta Herêma Kurdistanê van rêzefilman sansûr bike.”
Herwiha hunermenda dublajê Sinor Bedewî jî diyar kir ku rêzefilmên Tirkî çandekî berevajî ya Kurdî têkelî çanda Kurdî dike û wiha anî ziman; “Rêzefilmên Tirkî, bandorekî gelek xerab li ser tevahiya civaka Kurd kiriye, ji ber ku ew rêzefilmên Tirkiyê çandekî berevajiya me, têkelî çanda me dike. Van rêzefilman bandorek gelek xerab bi xwe re aniye. Mînak hejmare exlaq, nebaşî û pirsgirêkên din di civakê de zêde bûye.”…ROJNEWS
Li başûr rêzefîlmên Tirkî bandoreke neyînî dike
