Seroka Buroya Jin a MSD‘ê Nûjîn Yûsif diyar kir ku çareserî bi destê gelê Sûriyê pêkane, xwespartina ji derve re dawî li aloziyê nayîne.
Meclisa Ciwanên Sûriya Demokratîk ji bo nirxandina pêşketinên siyasî civînek li taxa Kelasê ya bajarê Hesekê li dar xist.
Bi dehan ciwanên bajarê Hesekê, Seroka Buroya Jin a MSD`ê Nûjîn Yûsif di civînê de amade bûn.
Nûjîn, di destpêka axaftina xwe de anî ziman ku ciwan dînamîka civak û şoreşê ye û got, “ Me bi ciwanan dest pê kir û bi ciw
anan em ê şoreşa xwe biserxînin, ji ber ku ciwan beşek mezin a rêxistina siyasî, leşkerî, civakî û çandî ne.
Nûjîn Yûsif di nava axaftina xwe de daxuyakirin ku di 7 salên aloziyê de gelek êrîş û pirsgirêk li hemberî wan hatin û got, “Me Rêveberiya Xweseriya Demokratîk ragihand, hemû pêkhate di nava vê rêveberiyê de cih digirin. Di bin banê vê rêveberiyê de gelek herêm ji çeteyan hatin rizgarkirin. Dîsa jî di serî de Tirkiye li hemberî sîstema me gelek êrîş hatin kirin.”
Nûjîn diyar kir ku wekî MSD di hevdîtinên xwe yên bi Şamê re li ser stratejiya avakirina Sûriya demokratîk ne navendî, sekinîne.
Seroka Buroya Jin a MSD‘ê diyar kir ku çareseriya aloziya Sûriyê di destê gelê Sûriyê de ye û bi mudaxleyên derve alozî nayê çareserkirin.
Nûjîn Yûsif, bal kişand li ser komkujiya li Suweydayê û diyar kir ku komkujiya Suweydayê berdewama komkujiya Kobanê ye. Nûjîn anî ziman gelê herêmê yek e, armanca dewletên derve kuştina gelê Sûriyê ye.
Di dawiya civînê de banga lidarxistina diyaloga Sûrî-Sûrî li hemû aliyên Sûrî hate kirin.
